"81 amama" euskal emakumearen inguruan eraikitako iruditegiaren inguruan berba egiten duen proiektua da. XX. mende hasieran jaiotako amamen eta nekazaritza bizitza tradizionala bertan behera utzi zuten amamek eta hauen biloben arteko transmisioa hartzen du aztergai moduan, eta material gisa amama-biloba hauen memoria indibidual eta kolektiboak erabiltzen ditu. Lan hau gure iragan kultur transmisioaren eta euskalduntasuna ulertzeko moduen hausnarketa bat da. Ikus-entzunezko lanak 44 minutuko iraupena dauka.
Izaro Gonzalez Ieregiren "81 amama" dokumentala ikusgai bihar, Leioako campusean
Martxoaren 8ko Emakumeen Nazioarteko Eguna aldarrikatzeko EHUk antolatutako ekitaldien barruan, eguazten honetan, martxoak 16, Izaro Gonzalez Ieregi algortarrak zuzendutako "81 amama" dokumentala egongo da ikusgai Bilboko Irakasleen Unibertsitate Eskolaren Juliana Agirrezabala aretoan, Leioako campusean. Emanaldia 10:30ean izango da; sarrera, doan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun