Leioako Euskal Kirol Zaleak elkarteak, 40. urteurrenaren ekintzen artean, lapikoko solidarioa antolatu zuen pasa den apirilaren 10ean, Leioako bulebarrean, eta emakumeek gidatutako idi-probak, Ondizko probalekuan. Ekimen biakaz batutako dirua, 4.215 euro, Leioa eta Lamiakoko Caritas-ek jaso zuen atzo, "laguntza behar duten herriko familien artean banatzeko".
Jose Manuel Elguezabal Caritaseko arduradunak jaso zuen 4.215 euroko txekea atzo goizean Jesus Bastida Euskal Kirol Zaleak elkarteko zuzendaritzako kidearen eta Mari Carmen Urbieta Leioako alkatearen eskutik. Elguezabalek “bihotzez” eskertuko zuen dohaintza hori, diru horrek Leioako hiru familien oinarrizko beharrak (elikagaiak, higiene, arropa…) asetzea ahalbidetuko duelako urte betez.
Leioako Euskal Kirol Zaleak, bere aldetik, herriaren "erantzun positiboa" eskertu zuen. Lapikoko dena amaitu izan zen, 350 plater banatu ondoren. Idi-probetan, ordea, 180 lagunetik gora izan ziren eta urdaiazpikoaren zozketan ere hainbat leioaztarrek hartu zuten parte. Leioaztar denei eta lapikokoan lagundu zuten elkarte, txoko eta enpresei "eskerrik beroenak" eman zizkien Bastidak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.