"Munduko estuario gutxik erakuts dezakete Nerbioi errekak izan duenaren antzeko berreskurapen-biologikoa. Ikuspuntu biologikotik aztertuta, errekaren ezaugarririk nabarmenetako bat bizitzarik gabeko mundutik bizitza taupadaka dagoen mundura igarotzea da. Hiritar asko erreka ertzeetara hurbiltzen da birsorkuntza horren adierazle diren arrain, txori eta bestelako animalien aniztasuna handitzen ari dela egiaztatuz", diote Leioako Udaletik. Berbaldi honen bitartez, bertako fauna-ekosistemen kalitate biologikoa aztertzeko berezko balioaren garrantzia azpimarratzen da.
Hitzaldian zehar, "Nerbioi errekaren historian" murgilduko gara, XIX. mendetik gaur egunera arteko. "Errekako bizitzaren bilakaera ezagutzeko aukera izango dugu, bertan arrain mota ugari ikus zitekeen garaitik hasita. Geroago, XX. mendeko 60ko eta 70eko hamarkadetan industriaren garapena izan zela medio, errekako bizitza guztiz desagertu zen kutsaduraren ondorioz", azaldu dute antolatzaileek.
"Leioa itsasadarretik" egitasmoaren gaineko berbaldia bihar
"Leioa itsasadarretik" egitasmoaren barruan, bariku honetan, apirilak 29, "En la ria la vida palpita" izenburuko berbaldia eskainiko du Iñaki Saiz EHUko zoologia-katedradunak. Saioa 19:30ean izango da, Kultur Leioako prentsa-aretoan (4. solairua); sarrera, doan. Azken hamarkadetan Nerbioi ibaiko biologiak bizi izan duen berreskurapena ezagutuko dute berbaldira doazenek, udal iturriek zehaztu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun