Hala, 17:30ean, Gaztelubide kalean dagoen Putzegilearen errotondatik kalejiran abiatuko dira Maskaradako partaideak, Lamiakoko metro geltokiraino; Maiatzak, erraldoiek, fanfarreak eta herriko dantzariek maskaradaren etorrera iragarriko dute. 18:30ean, berriz, Mari eta Sugaar bere senarra agertuko dira Lamiaren eskulturaren ondoan. Besteak beste, joan-etorria egingo dute Txopoetako garbitegiraino, bidean pertsonaia mitologikoakaz dantzatuz eta gaueko akelarrerako gonbita luzatuz. Hain zuzen ere, 22:30etik aurrera, suaren inguruan dantzatuko dute batutako pertsonaiek, Lamiakoko eliza ondoan.
Egitaraua
Maiatzak 27, barikua
- 16:30 Txupinazoa eta 2016ko San Maximo jaien hasiera.
- 17:30 Maskaradaren lehenengo zatiaren hasiera, Putzegilearen biribilgunean. Anima zaitez, jantzi baserritarrez eta biribilketan parte hartu.
- 18:30 Maskaradaren bigarren zatia, txosnaren ondoan.
- 20:30 Motozerra-mozketako erakustaldia.
- 22:30 Maskaradaren hirugarren zatia, eliza ondoan.
- 00:00 Dantzaldia Sandalo taldeagaz.
- 02:15 Dantzaldiaren atsedenaldia eta irrintzi-txapelketa.
Maiatzak 28, larunbata
- 08:00 Lamiakoko III. Lapiko Txapelketa, Merkatarien Elkartearen laguntzagaz. Parte hartu gura dutenek txosnak izena eman behar dute.
- 10:00 Txupinazoa.
- 11:00 Globoflexia-tailerra, etxeko txikientzat.
- 13:00 Igel-toka txapelketa.
- 14:30 Lapikoen aurkezpena.
- 18:00 Tiragoma lehiaketa; Bizkaiko Txapelketarako puntuagarria.
- 18:00 Euskal dantza-erakusketa, eliza ondoan.
- 20:00 Txorizoa sagardotan denontzat.
- 21:00 Mozorro-lehiaketa, txosna ondoan.
- 22:30 La Vikinga umoristaren emanaldia.
- 23:30 Bingoa.
- 00:00 Disko-dantzaldia, Galker taldeagaz.
Maiatzak 29, igandea
- 10:00 Txupinazoa.
- 11:00 Umeentzako gaztelu puzgarriak.
- 13:00 Herri kirolak.
- 14:30 Txapel-jaurtiketako XI. Lehiaketa.
- 17:30 Lamiakoko XVII. Play-back Txapelketa (adin-muga barik).
- 18:00 Goatekea: 70, 80, 90eko hamarkadetako musika onena, Iker Fernandez ezagunagaz.
- 20:00 Sari-banaketa.
- 21:00 Azken traka eta 2016ko jaien amaiera.