Maiatzaren 19an egin zuten Barne-erregimeneko Batzordeko bileran eman omen zieten horren berri Esnatu Leioa, EH Bildu eta PP alderdiei. "Gaur egun EAJk eta PSE-EEk dauzkaten lau liberatuei gehituko zaizkie bi berriek. Bitartean, oposizioko udal taldeek liberaziorako aukera barik jarraitzen dugu", Leioako EH Bilduk salatu duenez. Oposizioko hiru talde politikoek liberatu bakar bat ere ez daukaten bitartean, Udal Gobernua osatzen duten alderdiek denbora osoko dedikazioko lau liberatu eta denbora erdirako beste bi edukiko dituzte.
Horegaz batera, pasaden uztailean eginiko proposamena gogora ekarri du EH Bilduk: "errepresentazio-gastuak %20 murriztea eta hauen banaketa proportzionala egiten proposatzen genuen, aipatutako diru-irteera %10 murriztea lortuz".