Torresoloko igerilekuak zapatu honetan, ekainak 18, zabalduko dituzte, udal arduradunek iragarri dutenez. Horrez gainera, erabiltzaileek harrera-zerbitzua izango dute 946 004 475 telefono-zenbakian, eta igerilekuen atezaindegian, 10:00etatik 13:30era eta 16:00etatik 19:30era.
Sei hektareako Pinosolo parkearen ondoan daude igerilekuak; jolaserako, kirolerako eta atsedenerako eremuak dituzte, besteak beste: familia-igerileku ludikoa, txikientzako ur-putzu desberdinak, belarrezko solarium-eremua dutxakaz, tenis-pista bat eta zazpi padel-pista. Halaber, aldagelak, komunak, taberna eta aparkalekua ere badaude.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.