Sarrienako partida Ernesto Valverderen mutilek denboraldiaren aurretik jokatuko duten hirugarren lagunartekoa izango da. Aurretik, Huesca eta Girondins izango ditu arerio klub bilbotarrak. Liga abuztuaren 21ean hasiko du Athleticek, El Molinon futbol-zelaian; izan ere, Sarrienan bezala, orduan ere Gijongo Sportingegaz jokatuko du.
Eguenetik aurrera eros daitezke sarrerak, Athletic Sarrienan ikusteko
Datorren eguenean, uztailak 21, ipiniko dituzte salgai Athleticek hilaren 27an, 18:30ean, Sarrienan jokatuko duen lagunarteko partidarako sarrerak. Klubak salneurri bi jarri ditu Athletic eta Gijongo Sportingen aurkako lehia ikusteko: Leioa Kirol Elkarteko bazkideek bost euroan erosi ahal izango dute sarrera eta bestelakoek 10 euro ordaindu beharko dute. Txartelak Sarrienako bulegoetan har daitezke, goizeko 10:00etatik 14:00etara.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun