Aurten, irteera, Sakoneta kiroldegian egingo dute, goizeko 11:00etan; eta materialen banaketa 10:45ean. Baina, akabua, Ondiz baselizaren ondoan izango da. Lehenago Leioako toki hauetatik igaroko dira partaideak: Mendibile, Santimami, Ikea, Estartetxe eta Pinosolo parkea. Bidean, urdin kolorezko zebra batzuk ikusiko dituzte ibiltariek, lurrean margotuta. "Galtzen bazara martxaren norabidea emango dizute, buruak norabidea markatzen baitu", argitu dute antolatzaileek.
Azaldu dutenez, "sarreran banatuko diren iradokizun-orriak betetzera animatzen zaituztegu. Zuen iritzi, proposamen eta ideiak partekatuz Leioa hobetzen goaz pausuz-pausu. Ibilbidean zehar bete eta zinegotziek eramango dituzten 'zinegotxiletan' sar ditzakezue, gero Udalera bideratzeko". Twitter-en mezuak idatzi edo argazkiak eskegi gura dituztenek #leioaoin traola erabili ahal izango dute.
Oinezkoen-ibilaldia egingo dute bihar Leioan
"Leioa herri zebraduna" lemapeko ibilaldiaren 12. edizioa egingo dute zapatu honetan, irailak 17. "Ibilaldi honen bitartez, udalerriko kaleek oinezkoei segurtasunez eta lehentasunez ibiltzeko aukera ematen ote dieten behatuko dugu", udal arduradun leioaztarrek adierazi dutenez. Aurten, beste urte batzuetako kamiseta zaharrak eroatea eskatu diete parte-hartzaileei, "martxa iraunkorragoa izateko asmoz". Kamiseten ordez, aurten biserak banatuko dituzte, herritar batzuek iaz eskatu zuten legez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun