Aurreikusita dagoen hurrengo kanpaina azaroaren 7tik 13ra izango da, eta gidatzerakoan izaten diren distrazioetan oinarrituko da, hau da, GPSaren erabilera, telefonoa, irratia…
Leioako Udaltzaingoak urtero honelako hainbat kanpaina egiten ditu udalerrian. 2015ean, berbarako, 14 kanpaina egin zituen: besteak beste, alkoholaren eraginpean gidatzen duten lagunak harrapatzekoak, oinezkoen harrapatzeak saihestekoak eta dokumentazio zein segurtasun-gailuen kontrolak.
Hamairu gidarik jaso dute isuna Leioako Udaltzaingoaren azken prebentzio-kanpainan
Orain aste bi, urriaren 3tik 8ra bitartean, Udaltzaingoak zaintza- eta prebentzio-kanpaina bat egin zuen Leioan, Eusko Jaurlaritzako Herrizaingo Sailaren laguntzagaz. "1.641 auto kontrolatu ziren eta horietatik 13k isuna jaso zuten: hamar gidatzerakoan telefonotik berbetan egoteagatik eta gainontzeko hiruak IAT eguneratuta ez izateagatik", azaldu dute udal iturriek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun