Atzo, domekan, Athletic Herriz Herri ekimenaren hirugarren edizioa ospatu zen Leioako Boulevardean, goizean. Hiru eta zortzi urte bitarteko dozenaka neska-mutilek gozatu ahal izan zuten jolasgune batez, giza futbolinaz, txikigune batez, aurpegiak margotzeaz, iturri- eta irudi-tailerrez eta photocall-ez. Era berean, euren zuri-gorritasuna agertzeko hainbat aukera izan zuten, tartean, trebetasun jokoan baloi adimendua mugiaraziz.
Athletic Herriz Herri ekimenaren asmoa da txikienentzat gozatzeko jolas-gunea sortzea, futbolaren balio nagusiena jokoa dela azpimarratu eta irudi profesionaletik aldentzeko. Era berean, jarduera bakoitzean, oro har kirolak, eta bereziki Athleticek irudikatzen dituen baloreak nabarmentzen dira, berbarako, adiskidetasuna, elkarlana, ahaleginaren kultura edota ezberdinarekiko errespetua.
Leioako ekitaldian parte hartu zuten, besteak beste, Ricardo Mendiguren Athletic Fundazioaren zuzendariak, Mari Carmen Urbieta alkateak, Iban Rodriguez lehen alkateordeak eta Estibaliz Bilbao, Kultur zinegotziak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.