Gertaerak eguerdiko 12:40an izan ziren Peruri auzoko merkataritza-gune bateko jatetxe baten barruan. Polizia-iturriek diotenez, eztabaida baten ondoren, establezimenduko jolas-makinetako batean jolasten zebilen 40 urteko gizonezko batek indarrez eraso egin zion jatetxeko mahaietako batean bere bikotekideagaz eserita zegoen beste gizonezko bati. Izandako lesio larrien ondorioz, osasun-zerbitzuko kideek biktima artatu eta Gurutzetako ospitalera eraman behar izan zuten.
Hainbat lekukok ikusi zuten ustezko erasotzailea bertatik alde egiten, baina merkataritza-guneko zaintzaileetako batek erasotzailea atxiki zuen Ertzaintzaren patruila iritsi arte. Erasoaren ustezko egilea identifikatu, eta egintzak baieztatu ondoren, poliziek 40 urteko gizonezkoa atxilotu zuten lesio-delituaren akusaziopean.