Domeka honetan, urriak 30, Iraya eta Voilà antzerki-talde madrildarrek "A la Luna" ikuskizuna eskainiko dute Kultur Leioako entzungelan. Emanaldia 18:00etan izango da eta sarrera 3,75-5 euroan dago. Antzerkia, mapping-a eta animazioko zinea uztartzen dituen ikuskizun harrigarria da, familia osoari zuzendutakoa.
60ko hamarkadan kokatuta, istorio magiko eta hunkigarria eratzen du helduentzat, eta kolorez, dibertsioz eta fantasiaz betea umeentzat.
Sinopsia
Tarak etxaldean igarotzen ditu udak, izarrei begira eta astronauta izatea amesten. Mundua espazio-lasterketan murgilduta dagoen bitartean, bera liluratuta bizi da aitita zorrotzak kontatzen dizkion istorioakaz. Baina aitita desagertu egiten da eta bere bizitzako misiorik garrantzitsuenari ekiten dio: ilargiaren patua salbatzea antzar-saldo bitxi baten laguntzagaz. Antzerkia, mapping-a eta animazioko zinea uztartzen dituen ikuskizun harrigarria, 60ko hamarkadan kokatuta, istorio magiko eta hunkigarria eratzen duena helduentzat, eta kolorez, dibertsioz eta fantasiaz betea umeentzat.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.