Aurten hogeita seigarren edizioa izango duen Leioako Mikologia Astea askotariko egitarauagaz dator, gaurtik domekara bitartean. Gaur arrastian, "Setas de robledal" izenburuko berbaldia egingo dute, Sakoneta kiroldegiko batzar-gelan, 19:30ean. Toki berean, eta ordu berean, izango dira egun hauetarako programatutako gainerako berbaldi guztiak. Bihar, eguena, "Cocinando setas" izeneko saioa emango dute, eta barikuan, berriz, "Setas de pinar".
Zapaturako, urriak 29, mikologia-irteera antolatu dute, kontsumorako perretxikoak batu eta sailkatzeko.
Domekan bukatuko da Mikologia Astea Boulevard-en egingo den perretxiko erakusketagaz. Gainera, beste jarduera batzuk ere izango dira, hala nola, artisau-perretxikoen erakusketa, bonsaiena, fosilena, mineralena, landareena eta naturari buruzkoa. Egitaraua borobiltzeko, perretxikoak dastatzeko aukera egongo da, eta haurrentzako perretxiko lehiaketa ere bai.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
