Batzorde informatiboetan herritarrak parte hartzea eskatu du Leioako EH Bilduk

Iker Rincon Moreno 2016ko aza. 11a, 13:33

Leioako EH Bilduren prentsaurreko bat. LEIOAKO EH BILDU

Leioako EH Bilduk mozioa aurkeztu du, abendutik aurrera egingo diren batzorde informatiboak publikoak izan daitezen. Pausu hori emanez, "udal organoetan gardentasuna sustatu eta herritarren parte-hartzean sakontzeko" eskatu dio koalizio ezkertiarrak EAJ eta PSE-EEren Udal Gobernuari.

EAJk eta EH Bilduk onartutako Udal Lege berriaren arabera, Udalek batzorde informatiboen publikotasuna onartu dezakete, osoko bilkura bidez; Udalen esku geratzen da batzorde informatiboak publiko izan edo ez erabakitzeko ahalmena. EH Bilduk aukera hori aprobetxatzea eskatu du.

"Neurri honek herritarrek batzorde informatiboetan parte hartzea ahalbideratuko du; horrela, lehen eskutik jaso ahal izango dute bertan eztabaidatutakoa. Honekin, Udalaren ateak gehiago irekitzea lortuko dugu", azaldu dute.

Politika Leioa

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun