Klubak azken urteotan hartutako ohiturari jarraituz, bihar, barikuan, Leioa Saskibaloi Taldeko sendi osoak egingo du 2016-17 denboraldiko aurkezpena. Gaur, ordea, Batzar Nagusia izango dute.
Aurkezpenerako hitzordua Sakoneta kiroldegian ipini dute, 20:00etan. Bertan, Leioa SBTko talde denez gainera, hitzartutako eskola-taldeak ere egongo dira: Txomin Aresti, Irlandesas, Betiko eta San Bartolome.
Bestalde, gaur arrastian, beste hitzordu garrantzitsu bat izango du Leioa Saskibaloi Taldeak: elkartearen Batzar Nagusiaren ohiko bilkura. Kasu horretan, lehenengo deialdia 19:45ean ipini dute, Sakonetako 1. solairuan, ikus-entzunezko gelan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!