Euskarak 365 egun

Zelan esango zenuke "farola” euskaraz?

CC-BY-NC-ND MARTIN P. SZYMCZAK

Kaleko ohiko elementuei euskarazko izena ipiniko diete "Hitzak, Berbak, Eleak..." ekimenaren bitartez, gaur eta bihar. Abenduaren 3an izango den Euskararen Nazioarteko Eguna dela-eta prestatu diren jardueren artean kokatzen da ekimen hori. Leioako Udaletik azaldu dutenez, "hainbatetan, aipatu elementuen euskarazko izenak ez ditugu ezagutzen edo gogoratzen". "Hitzak, Berbak, Eleak..." ekimenagaz, Udalak "begien bistan jarri" gura ditu elementu horien euskarazko izenak, non eta bi plazatan.

Horretarako, saio bi antolatuko dituzte, "denon artean leku horietan edukiko ditugun euskarrietan hitz horiek jartzeko". Ondoren, euskarri bakoitza dagokion elementuaren gainean kokatuko dute.

Parte hartzeko prest baldin bazaude, 2 aukera hauek dituzu:

1. saioa: ARRASTIZ
- Data: Azaroak 29, martitzena.
- Ordutegia:17:00-19:00.
- Lekua: Jose Ramon Aketxe plaza.

2. saioa: GOIZEZ
- Data: Azaroak 30, eguaztena.
- Ordutegia: 10:00-12:00.
- Lekua: Euskal Etxeen plaza.