Aipatu moduan, bigarren Aldatu Rock dugu aste-akabu honetakoa. Antolatzaileek azaldu dutenez, aurten ere, «zoritxarrez», beharrezkotzat jo dute jaialdia antolatzea, «mundu osoan milaka errefuxiatuk pairatzen duten egoera ikusita». Izan ere, Horas Muertas taldekoak gainontzeko musika-taldeakaz elkartu ziren eta jaialdia antolatzeari ekin zioten, Images enpresaren eta DesKonectINN gunearen laguntzagaz. Horrenbestez, elkartasuna adierazteko eta laguntzeko «musika bitarteko bat izan daiteke», euren iritziz. Kontuak hala, kontzertura hurreratzera deitu dute, gura duten herritar guztiak DesKonectINN gunera joan daitezela, gaueko 08:30etik aurrera.
Sahararrei laguntzeko rock-jaialdia, bihar, Leioan
Bigarren Aldatu Rock jaialdia egingo da Leioan, bihar, abenduaren 2an. DesKonectINN gunean aukeratu dute horretarako topaleku, Ibarrabarri industrialdean (Iturriondo 18, C1 pabilioia). Hala, kontzertu formatua izango du II Aldatu Rock jaialdiak, eta aurten, lau taldek parte hartuko dute: Horas muertas, Skimales, Deborah Riff eta Zazkel taldeek, beren-beregi. Sarrera doakoa izango da, baina jaialdian bertan batuko duten diru guztia elkartasun-egitasmo bat finantzatzeko erabiliko da. Hain zuzen ere, Epiyblas elkarteak garatzen duen proiektu bat sostengatuko dute, Saharako errefuxiatuen kanpamenduetaraino ur-depositua eroateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun