Bihar hasiko da Kultur Maratila

Iker Rincon Moreno 2017ko urt. 31a, 17:36
Deskargatu Info Ahotsak :
Español English Français Català Galego

Urtarrilaren 26an egin zuten aurkezpen-prentsaurrekoa. © LEIOAKO UDALA

Kultur Maratila zikloa antolatu dute seigarren urtez Leioako Udalak eta Artedramak. Bost eguneko iraupena edukiko du, otsailaren 1tik 5era arte, eta bertan sei ikuskizun egongo dira: antzerki-ikuskizun bi, hiru musika-kontzertu eta dantza-ikuskizun bat. Hala, bihar, eguaztena, Udane Juaristiren erakusketaren aurkezpenagaz batera emango du kontzertua Iban Urizar musikariak; "Amorante" diskoaren abestiak eskainiko ditu. Saioa 20:00etan izango da, Kultur Leioako erakusketa-gelan; sarrera, doan.

Kultur Maratilaren gainontzeko ekitaldiak Kultur Leioako entzungelan izango dira; sarrerak 3 eta 10 euro artean egongo dira. Hala ere, ziklo osoz gozatu gura duenak 30 eurotako bonua erosteko aukera izango du, Kultur Leioako txarteldegian.

Aurtengo aurrekontua 30.000 eurokoa izan da.

Egitaraua

Otsailak 01, eguaztena

20:00 "Amorante" kontzertua eta Udane Juaristiren erakusketaren aurkezpena, erakusketa-gelan. Gonbidapenagaz.

Otsailak 02, eguena

20:30 "Atte hil aurretik" (Beheko Larraine) antzezlana, entzungelan. Sarrera: 3-6 euro.

Otsailak 03, barikua

20:30 "Hariak" (Ertza Dantza) dantza-ikuskizuna, entzungelan. Sarrera: 5-10 euro.

Otsailak 04, zapatua

20:30 "Fakiu" (ATX Teatroa) antzezlana, entzungelan. Sarrera: 3-6 euro.

22:00 "Shane Mcgowanen gibela" (Unai Elorriaga eta Gibelurdinek musika-ikuskizuna, entzungelan. Sarrera: 4-8 euro.

Otsailak 05, domeka

19:00 Ruper Ordorikaren kontzertua, entzungelan. Sarrera: 6-12 euro.

Kultura Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun