Bazkaria eta dantzaldia egingo ditu Andrak elkarteak

Ohi den legez, kontzentrazioa egingo dute, Boulevarden. © LEIOAKO UDALA

Urtero legez, hainbat ekintza antolatu dituzte Leioako Udalak eta Andrak elkarteak, martxoaren 8a Emakumeen Nazioarteko Eguna dela aldarrikatzeko. Data hori akorduan izateko, egun horretan elkarretaratzea egingo dute, Boulevarden; hitzordua 13:00etan ipini dute. Udal-arduradunek, emakumezkoen elkarteko kideek eta gura duten herritar denek parte hartu ohi dute kontzentrazioan.

Bestalde, bazkaria egingo dute Andrak taldeko bazkideek, aipatutako eguna "ospatzeko"; eguazten horretan, autobusean joango dira Loiuko Landatxueta jatetxera, 14:00etan irtengo dira Leioatik. Gainera, bazkaldu ostean, dantzaldia edukiko dute mahaiaren inguruan batutakoek. Bazkarian izena eman daiteke Sabino Arana kaleko 78. zenbakian elkarteak daukan egoitzan; txartelak 30 euroan salgai daude. Emakumeen Nazioarteko Egunaren inguruko egitarauari akabua emateko, "La resistencia" izenburuko antzezlana eskainiko du Kafe Huts taldeak, martxoaren 9an, eguaztenean. Emanaldia arrastiko 07:00etan izango da, Kultur Leioako entzungelan; sarrera, doan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun