Bizkaiko sarietan izango da Leioa Waterpolo

Astelehenean jakingo da waterpolo-taldeak sariren bat lortu duen. © LEIOA WATERPOLO

Leioa Waterpolok izendapen bi jaso ditu 2017ko Bizkaia Kirolak sarietarako. Klub leioaztarrak zabaldu duenez, aukeran dituzte sari bi irabaztea: talde-kirolarena eta oinarri-entrenatzaile onenarena.

Lehenengo mailan izendatutakoa da emakumezkoen gazte eta kadeteen taldea; Euskal Herriko gazte- eta kadete-txapelketak irabazi zituzten leioaztarrek pasa den denboraldian. Gainera, senior-taldeari lagundu zioten, Espainiako Lehenengo mailan hirugarren postua lortzen. Bigarrenean, Josu Barrenetxea eta Jon López dira hautagaiak.

Datorren astelehenean, hilaren 10ean, jakingo dugu Leioa Waterpolok edo eskualdeko beste klub edo kirolariren batek sariren bat irabazi duen. Izan ere, egun horretan ospatuko da Bizkaia Kirolak sarietako gala, Bilboko Bizkaia frontoian.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun