Hezkuntza  Leioa 2017-05-08 10:10

Gaur hasi da Eskolara Lagunekaz proiektua, Leioan

Gaur, lehen orduan martxan jarri du Irakale 2017ko Bizibideak Lagunekaz Eskolara proiektua, Leioako 31 topagune ezberdinetan. Maiatzak 8 eta 19 bitartean proiektua gauzatuko da herri osoan zehar, Irakale 2017 ekintzaren eskutik.

Gaur hasi da Eskolara Lagunekaz proiektua, Leioan
Bizibideak Eskolara Lagunekaz proiektuko poste bat, Leioan. © Herrigune Leioa | Ikusi handiago | Argazki originala

Ekimenaren helburu nagusia da umeak eskolara oinez bakarrik joatea. Proiektuan parte hartu duten eskolek hainbat lan-saio egin dituzte aldez aurretik zentroetan: mapeoak geletan, diagnosiak kaleetan... eta proposaturiko ibilbide posibleak aztertu dira.

Gaur, maiatzak 8, proiektuaren lehen eguna da eta 31 topagune seinaleztatu dira herrian zehar, eskolara doazen hainbat ibilbide seguru adieraziz. Herritik zehar ibilbide ezberdinetako posteak topa daitezke, bide bakoitzaren iraupena adierazten dituzten kolorezko kartelakaz.

2017/05/08 - 2017/05/19

Leioa

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa