Hezkuntza  Leioa 2017-05-18 13:50

"Errebalidari" planto egin diote Artaza-Romo BHIko ikasleek

Leioako Artaza-Romo BHIko DBH 4ko ikasleek "errebalidari" planto egin zioten atzo, eguaztenean. Gazteek jakinarazi dutenez, azterketa "arrotza" da hori, "ez dutelako guk eraiki nahi dugun hezkuntza sistema islatzen". Gainera, ekimen horregaz, probaren kontra egiteaz gain, LOMCEri ere planto egin diotela aldarrikatu dute.

"Errebalidari" planto egin diote Artaza-Romo BHIko ikasleek
DBH 4. mailako ikasle denek egin zioten planto "errebalidari". | Ikusi handiago | Argazki originala

Artaza-Romo institutuko DBH 4. mailako "ikasle denek" egin zioten atzo planto azterketari, "beste ikasturte batzuetako hainbat ikaslerekin batera". Ekimen horren helburua da LOMCEk ezarri dituen errebaliden proba pilotuei planto egitea, "azterketa arrotzak direlako eta ez dutelako guk eraiki nahi dugun hezkuntza sistema islatzen".

Hego Euskal Herriko hainbat ikastetxetan egin dira Heziberri hezkuntza-dekretuak agindutako azterketak, baita plantoak ere. Datorren astelehenean, hilaren 22an, Getxoko Aixerrota BHI ikastetxean egingo dute, eta iragarri dutenez, "planteamendu berdina egitea aurreikusita dago".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa