Leioako jaietako "gune beltzak" identifikatu gura dituzte

Apirilaren akabuan, 12 urteko neskato bati egindako sexu-erasoa salatu zuten dozenaka lagunek.

Leioako Udalaren Berdintasun Sailak hurrengo San Juan jaietan arriskuren bat sorraraz dezaketen "gune ilunak" identifikatzeko prozesua martxan ipini du; sexu-erasoak saihestu gura dituzte. Hala, arazo edo arrisku horiei buruzko online bidezko galdetegia prestatu dute. "Hau erantzutea eta ezagutzera ematea eskertuko genizueke, informazio-iturri baliotsua eta garrantzitsua baitzarete", nabarmendu dute agintari leioaztarrek. Informazio bilketa ekainaren 14ra arte egingo dute.

"Zuen erantzun guztiak anonimoak izango dira, eta behin horiek bildu eta gero aztertuak izango dira. Horren bidez, Leioako segurtasun egoera hobeto ulertu eta eraso sexual eta sexistarik gabeko jai seguruagoak izatera bideratutako alternatibak bilatzen saiatuko gara", azaldu dute.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun