EHUk astelehenean hasiko du matrikulazio-epea

Iker Rincon Moreno 2017ko uzt. 14a, 17:58
Deskargatu Info Ahotsak :
es en fr

© EHU

Euskal Herriko Unibertsitateak astelehenean, uztailaren 17an, hasiko du matrikulazio-epea. Data horretatik aurrera egin ahal izango dute matrikula ikasle berriek. Bestalde, lehenengo mailatik gorako ikasleek automatrikula egiteko aukera izango dute. Lehenengo mailako matrikula ikastegietan egin beharra dago; automatrikula, ostera, Internet bidez. Modu batera zein bestera, ikasleek euren hitzordua kontsultatu ahal izango dute bihartik aurrera.

Lehen mailako matrikulari dagokionez, lehenengo deialdian aurkeztu beharreko ikasleak uztailaren 17tik 20ra arte matrikulatuko dira. Bigarren deialdian, lehenengo matrikula-aldia bukatutakoan, hutsik geratu diren lekuak banatuko dira; hitzorduak uztailaren 22an kontsultatu ahal izango dira, eta matrikulak hilaren 24an egingo dira. Azkenik, hirugarren deialdiko hitzorduak hilaren 27an ikusi ahal izango dira, eta matrikulak hurrengo egunean egingo dira. Azkenik, irailean matrikula egiteko beste hiru txanda egongo dira. Guztira, EHUk lehenengo mailako 8.634 leku eskainiko ditu 2017-2018 ikasturtean, graduko 86 titulazioetan. 2016-2017 ikasturtean lekuen %96 bete zen.

Bestalde, lehenengo mailatik gorako ikasleek automatrikula egingo dute uztailaren 17tik 28ra arte, Internet bidez edo ikastegietan matrikulatzeko euren esku ipiniko diren ikasgeletan.

Hezkuntza Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun