Urtero legez, Leioako Pop-rock Lehiaketaren berri emango duen kartela aukeratzeko sariketa martxan ipini du Aterpe Gazteguneak. Lanak urriaren 20ra arte aurkeztu ahal izango dira, Aldapabarrena kaleko 2. zenbakian.
Azaroaren 6rako finalistak izango diren bost kartelak aukeratuko ditu epaimahaiak; data horretatik aurrera, azaroaren 19ra arte, ikusleek euren botoak emateko aukera izango dute. Ikusleek gogokoen dituzten hiru kartelei eman ahalko diete botoa (3 puntu, 2 eta 1), Kultur Leioako webgunearen bitartez. Kartel irabazlea epaimahaiaren eta ikusleen boto gehien jaso duena izango da.
Lehiaketak 600 euroko sari bakarra izango du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!