Aurretiko denboraldiko entrenamenduak abiatu zituzten atzo Lagun Artea kirol-elkarteko lehenengo taldeek. Futbol-eskolak zenbait aldaketa bizi izan du udan, garrantzitsuena Isusko Loroñoren dimisioa. Izan ere, eskolako koordinatzaile nagusiak kluba utzi zuen, arrazoi pertsonalengatik. David Lópezek ordezkatuko du bere ardura-postuan.
Leioa Kirol Elkarteak eskertu dizkio Loroñori azken urteotan agertu dituen konpromisoa eta dedikazioa. Modu berean, gogorarazi du klubaren harrobiak bere agintaldian bizi duen garai emankorra, bai lortutako tituluengatik, baita jokalari berrien futbol- eta pertsona-formakuntzagatik ere.
David López koordinatzaile nagusi berriak eskarmentu handia izan du Erandio, Iturgape eta Betolaza taldeetan. Dena den, Leioako kluba ere ondo ezagutzen du, pasa den denboraldian Leioako Emakumeak taldeko lehenengo hamaikakoren entrenatzailea izan baitzen, martxoa eta ekainaren bitartean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun