Hori dela eta, bertan eskaintzen ziren udal-zerbitzuak 100 bat metrora dagoen Pinuetako ludotekan emango dira, Maiatzaren Bata kaleko 3 zenbakian, alegia. Lanak bukatuta, gutxi gorabehera, hilabete bi barru, berriz zabalduko dute Gaztelubideko udal-bulegoa. Bitartean, orain arte legez honakoak izango dira harremanetarako bideak: sac02@leioa.net posta elektronikoa eta 944 646 722 telefonoa.
Mari Carmen Urbieta alkateak azaldu duenez, "Herritarrentzako Arreta Zerbitzuen bidez bilatzen dena da arreta eskaintzea, pertsonen arteko erakusmahai eta muga barik, harreman hurbilago bategaz...". Hala, udaletxean egin duten legez, udal-sail denen kudeaketak egin ahal izango dira Gaztelubiden, obrak amaitu ondoren. Leihatilaz leihatila ibili beharrean, eta udaletxera igo barik, herritarrek bertan egin ahal izango dituzte espediente bati dagozkion izapide denak. "Modu horretan, egun berean auzokideak agiria prest duela alde egin ahal izango duela bertatik. Izapideak asko erraztuko ditu eta denbora aurreztuko du. Hori herritarrek eskertzen dute", adierazi du Urbietak.