Haizea Hormaetxea eta Diego Durán nagusi, Ondizko aurresku-txapelketetan

Iker Rincon Moreno 2017ko ira. 7a, 17:22
Ondizko emakumezkoen aurresku-txapelketak hamar urte bete zituen domekan. © LEIOAKO UDALA

Pasa den domekan jokatu ziren Leioan Ondizko Emakumezkoen X. Aurresku Txapelketa eta Bizkaiko 57. Aurresku Txapelketa. 350 bat lagunen aurrean dantza egin zuten parte-hartzaileek. Saioa bukatuta, epaimahaikideek ebatzi zituzten txapelketak. Emakumezkoetan, Haizea Hormaetxea leioaztarrak lortu zuen garaipena, beste behin ere; hala, leioaztar onenaren saria ere bereganatu zuen.

Emakumezkoen gazte-mailan, saria Zuriñe Sánchezentzat izan zen. Gizonezkoetan, ostera, sari nagusia Diego Durán barakaldoarrarentzat izan zen eta bere atzean geratu ziren Eduardo Martín eta Asier Amorrortu erandioztarrak. Laugarren sailkatua, Gaizka Sánchez leioaztarra, jaso zuen bertako dantzariarentzako saria. Azkenik, Josu Marcos leioaztarrak lortu zuen mutil gazterik onena izatea.

Ondizko Emakumezkoen X. Aurresku Txapelketaren sailkapen nagusia

  1. Haizea Hormaetxea (Leioa) (Leioako Dantzaririk Onena Saria).
  2. Ibabe Beristain (Portugalete).
  3. Jasone Monasterio (Las Carreras).
  4. Udara Díez (Bilbao).

Ondizko Emakumezkoen X. Aurresku Txapelketaren sailkapen gaztea

  1. Zuriñe Sánchez (Leioa).

Bizkaiko 57. Aurresku Txapelketaren sailkapen nagusia

  1. Diego Durán (Barakaldo).
  2. Eduardo Martín (Erandio).
  3. Asier Amorrortu (Erandio).
  4. Gaizka Sánchez (Leioa) (Leioako Dantzaririk Onena Saria).
  5. Ekaitz Ugarte (Leioa).
  6. Arkaitz Correa (Leioa).

Bizkaiko 57. Aurresku Txapelketaren sailkapen gaztea

  1. Josu Marcos (Leioa).
  2. Iker Martín (Getxo).
Kultura Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun