Mugi Leioako Gazteak elkarteak Arimen Gaua antolatu du hirugarren aldiz, Udalagaz eta Merkatarien Elkarteagaz elkarlanean; martitzenean, urriaren 31n, egingo dute, Boulevarden eta Estartetxe kalean.
Hala, hasteko, umeentzako tailerrak egongo dira, 18:00etik aurrera. Horren ostean, Burrunba elektro-txarangak alaitutako pintxo-poteoak zabalduko du gaueko egitaraua, 19:30ean. Besteak beste, txokolate-jana, "Arimen gaua" ikuskizuna, faroltxoak askatzea eta Trikizioren erromeria egongo dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!