Leioako hiru baselizen herri-ibilbidea egingo dute domekan, urriaren 29an. Leioako Euskal Kirol Zaleak elkarteak lotuko ditu San Bartolomeko, Ondizko eta Santimamiko baselizak, martxa horretan. Udalak eta merkatarien elkarteak babestu dute ekimena, txango berezi hori bosgarren urtez egiteko.
Txangoa 09:30ean hasiko da, Boulevardetik aterata. Udalerriko hiru ermitak batzeko ibilbideak 15 kilometro ditu. Ohi legez, izen-ematea egun berean egin beharko dute interesdunek, 9:00etatik 9:30era, irteera-puntuan. Amaitu ostean, 12:30ak aldera, txitxi-burruntzi izango da Boulevarden. Gainera, zenbait opari zozkatuko dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!