Beste behin ere, Leioako merkatariak eta ostalariak protagonista izango dira, Bizkaiko blogetan, Instagram-en eta YouTube-ko kanaletan. Gabonetako kanpaina berezia dela eta, udalerriko Behargintzak Leioa Blog lehiaketaren hirugarren edizioa egingo du aste-akabuan. Bertan, Bizkaiko hainbat "blogger", "instagramer" eta "youtuber"-ek ahotsa eta protagonismoa emango diete Leioako dendei, tabernei eta jatetxeei. Gaur (abenduaren 13a) da izena emateko azken eguna.
Horrez gainera, lehiaketa honek "kutsu herrikoia" izango du, udal-iturriek adierazi dutenez; izan ere, leioaztarrek ekimen honetan parte har dezakete aldez aurretik izena eman barik. Horretarako, euren argazkiak Instagramen publikatu beharko dituzte #LeioaBlog17 traola erabiliz.
Sariak
Lehiaketa honetan hiru sari banatuko dira blog, Instragram eta Youtube kategorietan. Irabazle bakoitzak 600 euro irabaziko ditu Leioa Blog lehiaketan parte hartu duten saltokietan gastatzeko. Aipamen berezi bat ere egongo da, kategoria bakoitzean, eta saria 300 eurokoa izango da. Azkenik, herritarren arteko argazkien irabazleak 150 euro jasoko ditu. Sari guztiak Leioa Blog lehiaketan parte hartuko duten saltokietan trukatzeko izango dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
