Azken egunetan Udalak kontratatutako neska bi dabiltza Leioako etxeak bisitatzen, edukiontzi marroiaren erabiltzaileak ez diren etxeak, hain zuzen. Euren helburua, edukiontzi marroia erabiltzen duten leioaztarren kopurua handitzea da.
Horretarako, erraztasun denak ematen dizkiete herritarrei: etxean bertan alta eman dezakete zerbitzuan eta, horren ostean, kit organikoa eroaten diete etxera.
Gainera, pasatzen direnean etxean egon ez direnentzako aukera ere badago. Ezkaratzean bertan kartela ipintzen dute eta, bertan izena emanez gero, ate aurrean utziko dute kit organikoa.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!