Bariku honetarako, otsailaren 2rako, antolatuta dagoen "Barikuetan jai" egitasmoaren saioa Kultur Leioako bosgarren solairuan egingo dute, eguraldi iragarpen txarragatik, udal-iturriek jakinarazi dutenez. Ordua, ohikoa, arrastiko 17:30etik 19:30era izango da.
Gaur, plastikozko tutu gardenen barruan material ezberdina sartzen, olio-eskumutur ezberdinak egingo dituzte txikiek.
Euskara Zerbitzuak martxan ipinitako programa honen helburua da umeek eta familiek euskara erabiltzea herriko plazetan eta kaleetan, eta horretarako barikuro jarduera bereziak egiten dira euskarazko harreman-sareak zabaltzeko eta euskara erabiltzeko guneak eta aukerak sortzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!