Kantaria eta musikaria izateaz gainera, folklorea astintzen duen artista ere bada Rodrigo Cuevas. Erabateko artista; ian ere, "bere izarrak distira populista" dauka, "kontrakulturaren errebalen artetik, eta benekotasunak edozein motatako iruzurrak agerian uzten dituelako", kultur iturri leioaztarrek adierazi dutenez. Asturiasetik mundurako egina da, eta bakarka egiten duen bigarren ikuskizuna da "El mundo por montera". Mundu tradizional bat, landa eremukoa, eszentrikoa, baina hiri ingurukoa, kritikoa eta teknologikoa ere bai. Asturiasko kantu tradizionalak eta kabareta, dantzarako musikagaz trabestituta. Arreta pizteko dei sarkastikoa, zarzuela bufoko formatuan. Folklorea, musika herrikoia eta algarak, dena musika eta ahots talentudun lotsagabekeria apalagaz josia.
Rodrigo Cuevas abeslaria izango da barikuan Leioan
Abeslari, konpositore, akordeoi-jole eta perkusio-jole asturiarrak 21:00etan kantatuko du, Kultur Leioako entzungelan. Sarrerak 5-10 euroan daude.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun