Sare sozialen bidez iragarri du Leioako EH Bilduk maiatzaren 9tik 11ra mugikortasunari eta bizitza-kalitateari buruzko jardunaldiak egingo dituztela. Besteak beste, ondoko gaiak jorratu gura dituzte: Avanzadako errepidea, herria oinezkoentzat egitea, tranbia, trafikoa, mugikortasuna, osasuna eta gune publikoen erabilera. Hala, unibertsitateko irakasleek, hirigintzan adituek eta Pontevedrako Udaleko arduradunek parte hartuko dute. Galiziako hiri horretako zati bat oinezkoentzat ipini dute; adibidetzat har daiteke, Leioako EH Bilduren arabera.
Maiatzaren 9tik 11ra arte izango dira topaketak; prestaketa-lanetan murgildu gura dutenek bildu.leioa@gmail.com helbide elektronikoan izena eman dezakete.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun