Arrastian, 18:00etan geratu dira herriko feministak, Sakoneta kiroldegiko atarian: "Plazaz plaza, emakumeon borroka aldarrikatuko dugu", diotenez. 19:00etan, kalejira musikatua egingo dute Leioako metro geltokiraino. "Metroa hartu eta Bilboko manifestaziora" abiatuko dira elkarregaz. 20:00etan hasiko da, Bilboko Jesusen Bihotza plazatik irtenda.
Leioa udalerriko mugimendu feministak goizetik hasi da lanuzteen eta mobilizazioen berri emanez. Goizeko 10:00etan osasun-etxeko parkingean batzeko deia eginda zeukaten, kotxe-karabana egiteko herrian zehar. 11:00etan, Algortarako bidea harttzeko asmoa zeukaten kotxez, "Telletxe plazan, Uribe Kostako emakume feministakaz batzeko".
Udalak eta Andrak elkarteak, bere aldetik, 11:00etan, Iparregirre Etorbideko ohiko kontzentrazioa egin behar dute; urteroko adierazpena irakurriko dute bertan. Ondoren, Andrak elkarteko emakumeek urteroko bazkaria burutuko dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
