Zapatuan, hilaren 7an, Leioako Plaza Gorria jendez gainezka egongo da. Izan ere, azkenaldian bertan batzen hasi den gazte-talde batek Plaza Eguna antolatu du egun horretarako. Hala, askotariko ekimenez gozatu ahalko da bertan, goizeko 12:00etatik aurrera.
Askotariko ekimenak planteatu dituzte egun horretarako, hala nola kuadrillen arteko olinpiadak, zumba, bazkaria, bingo musikatua, karaokea, aulkien jolasa eta poteo musikatua herritik zehar.
Bazkarirako txartelak egunean bertan erosi ahalko dira, 6 euroan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!