Gaurtik domekara Askartzan jokatuko da Espainiako Waterpolo Txapelketa

Ziortza Canibe Askartza Waterpolo taldeko jokalaria, erasoan. © ASKARTZA WATERPOLO

Askartzako igerilekuetan lehiatuko dira Estatu osoko zortzi emakumezko waterpolo talde, Estatuko Lehenengo Mailara zein igoko den argitzeko. Etxeko taldea gaur estreinatuko da, 21:00etan, Turiaren aurka. Bitartean, Leioa Waterpolo B taldea estreinatuko da Espainiako Txapelketa horretan, igoera-faseko beste egoitzan, Alcorcónen (Madril).

Isusko Arias Askartzako entrenatzailearen arabera, bertoko emakumeak faboritoetakoak dira Leioako igoera-fasean, "printzipioz, lehiaketa antolatu baitute". Gainera, Euskal Herriko 1. Maialko Liga irabazi berri dute leioaztarrek, WP 9802, Leioa Waterpolo B eta Eibarko Urbat taldeen aurretik. Halere, Askartzatik nabarmendu dute talde denek antzeko ibilbidea egin dutela orain artean: partida gutxi galdu eta joko ona erakutsi dute. Hala, "lehia handia" espero dute. Askartzaren arerioak honakoak izango dira: WP 9802 (Nafarroa), Castelló eta Turia (Valentzia), Marbella eta Chiclana (Andaluzia), Campus Esport (Balear Irlar) eta EWZ (Aragoi).

Zortzi taldeak multzo bitan banatuko dira, partida bakarreko ligaxkak jokatzeko. Hala, Askartzak talde nafarraren, Turiaren eta Chiclanaren aurka jokatuko du, B multzoan. Multzo bakoitzeko lehenengo bi taldeek finalerdia jokatuko dute eta euren arteko irabazleak finalean izango dute norgehiagoka. Igoera-faseko txapeldunak Estatuko Lehenengo Mailara sartuko da; liga hori Iberdrola Ohorezko Ligaren azpitik dago.

Leioa Waterpolo B

Beste talde leioaztarra, Leioa Waterpolo B, ahaleginduko da Sakonetako klubeko talde nagusiak 2011n lortutako igoera errepikatzea. Halere, Leioa Waterpolo talde seniorrak hirugarren saiakeran lortu zuen, 2008an eta 2009an proba egin ondoren. Alcorcónen, B multzoa egokitu zaio Leioa Bri; arerio izango ditu Alcorcón Madrilgo Komunitateko txapelduna, Cartagenako Carthago Murtziako irabazlea eta Pontevedra Galiziako garailea. Carthagoren aurka estrenatuko dira gaur leioaztarrak, 19:20an. Emakume leioaztarrek talde oso gaztea osatzen dute: jokalari senior bakarra dute. Beragaz batera, lau gazte, kadete eta ume daude taldean. Hala, euren helburua da oso maila altuko taldeakaz berdinetik berdinera jokatzea eta sailkapen ona egitea, igotzeko presioa izan barik, bertan Leioa Waterpoloko talde nagusia daborduko dagoelako.

Madrilera bidaiatu den taldea honakoa da: Maider Sobera, Ainhoa Argarate, Naia Fernández, Iris Bartolomé, Dafne Bartolomé, Andrea Pedraja, Ane Arana, Maider Ramos, Garazi Capel, Ixone Alonso, Erika López-Pastor, Haizea Expósito eta Naroa Apraiz. TEknikoak, berriz, honako hauek dira: Gorka Sánchez, Jon López eta Ane Basauri.

Leioako egitaraua

Maiatzak 4, barikua

16:00 Batzar teknikoa

17:30 Campus Esport vs Marbella

18:40 Castelló vs EWZ

19:50 WP 9802 vs Chiclana

21:00 Claret Askartza vs Turia

Maiatzak 5, zapatua

12:30 Castelló vs Marbella

13:40 Campus Esport vs EWZ

14:50 WP 9802 vs Turia

16:00 Claret Askartza vs Chiclana

18:00 Campus Esport vs Castelló

19:00 Marbella vs EWZ

20:00 Chiclana vs Turia

21:00 WP 9802 vs Claret Askartza

Maiatzak 6, domeka

09:00 Kontsolamenduko lehenengo finalerdia

10:00 Kontsolamenduko bigarren finalerdia

11:00 A taldeko bigarrena vs B taldeko irabazlea

12:00 A taldeko irabazlea vs B taldeko bigarrena

14:00 Zazpigarren eta zortzigarren postuak erabakitzeko partidua

15:00 Bosgarren eta seigarren postuak erabakitzeko partidua

16:00 Hirugarren eta Laugarren postuak erabakitzeko partidua

17:00 Finala

Alcorcóngo egitaraua

Maiatzak 4, barikua

19:20 Leioa B vs Carthago

Maiatzak 5, zapatua

12:20 Leioa B vs Pontevedra

19:30 Leioa B vs Alcorcón

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun