Leioako gizonezko eta emakumezko bana zendu ziren joan den zapatuan Burgosko Merindad de Montija eskualdean, N-629 errepidean, zebiltzan motorretik erorita. Gaztela eta Leongo 112 zerbitzuak jakinarazi duenez, zapatuko arrastiaren azken orduan jaso zuten istripuaren berri.
Lekukoek 112 zerbitzura deitu zutenean iragarri zuten motorzale bat, emakumezkoa, errepidean zegoela, konorterik barik eta ziurrenik hilda, eta bestea, gizonezko gidaria, Trueba ibaira erorita zegoela. Zerbitzu medikuak hurreratu zirenean, gizonaren eta emakumearen heriotza egiaztatzea besterik ezin izan zuten egin.
Lehenengo ikerketen arabera, badirudi gidariak motorraren kontrola galdu zuen. Espainiako Gobernuak Burgosen daukan Azpiordezkaritzak zabaldu zuen zendutako motorzaleak Leioako auzokideak zirela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun