Kaleetan barrena ibiliko dira Mari, Aker, Inguma eta beste hainbat pertsonaia mitologiko, maiatzaren 25ean, barikuan; izan ere, 1978tik hona, Euskal Herriko mitologiaren antzezpena egiten du urtero Lamiako Maskarada kultur elkarteak. Aurten 40 urte beteko ditu ekitaldiak.
Aurretik ere jarduerak egiten dituzte: Euskal Jaiaren bosgarren edizioa egingo dute, zapatuan, maiatzaren 12an. Besteak beste, umeentzako jolasak, herri-bazkaria, irrintzi-txapelketa eta Drindotsen erromeria egongo dira, 11:00etatik aurrera.
Egitaraua:
Maiatzak 12, zapatua
V. Euskal Jaia
- 11:00 Txupina.
- 11:15 Aurreskua.
- 11:30 Umeentzako jolasak.
- 12:00 Talo-tailerra.
- 13:00 Poteoa, fanfarreagaz.
- 14:30 Bazkaria: Helduak: 20 euro / Umeak: 14 euro.
- 17:00 Irrintzi-txapelketa.
- 18:00 Herri-kirolak.
- 19:30 Umeentzako erromeria.
- 21:30 Erromeria: Drindots.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
