Metal modalitatean honako hauek izan dira finalerako izendatutako taldeak: The Flying Scarecrow (Leioa) eta Valkyria (Trapagaran). Pop-rock modalitatean, berriz, ondoko hauek: The Grassland Sinners (Bartzelona) eta Noiah (Madril). Halaber, “Euskarazko abestirik onena” sari bereziaren irabazlea Haustura (Ispaster) taldea izan da, "Atera kanpora" kantagaz. Azkenik, "Leioako Udala" saria Sully Riot taldeak irabazi du.
Leioako XVIII. Pop Rock Lehiaketak finalistak dauzka. XVIII. edizio honetan, denera, 41 taldek parte hartu dute; 33 talde Pop-rock modalitatean eta 8 talde Metal modalitatean. Parte-hartzaileen artean, 23 talde Euskal Herrikoak dira, talde bakarra izan da “Leioako Udala” sari berezian parte hartzeko baldintzak betetzen zituena, eta gainontzeko 18ak beste komunitate ezberdinetakoak izan dira. "Euskara Zerbitzua" sari bereziari dagokionez, 10 taldek parte hartu ahal izan dute.
Aukeratutako talde horiek zuzeneko finaletara pasatuko dira. Finalak San Juan jaietako egitarauaren barruan egingo dira, antolatzaileek erabakitako data eta ordutegian. Talde finalistek 30 minutuz joko dute zuzenean, epaimahaikideen eta ikusleen aurrean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
