Leioako Berbaldun egitasmoak txangoa antolatu du Barrikako kostaldeko egitura geologikoak ezagutzeko. Zapatuan egingo dute, hilak 19, goizeko 10:00etan Udondoko aparkalekutik abiatuta.
Meñakozeko aparkalekutik Barrikako hondartzaraino egingo dute ibilbidea, bost kilometro ingurukoa. Lau ordu ematea aurreikusi dute. Bidean, Jon Betanzos geologoak informazio zehatza emango du inguruko egitura geologikoen gainean.
Izena emateko, 688 850 129 telefono-zenbakira deitu edo berbaldun.leioa@gmail.com posta elektroniko helbidera idatzi behar da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!