Programa hori 2012, 2013, 2014 eta 2015. urteetan jaiotako eta Leioan erroldatutako umeei zuzenduta dago. Izen-emateak udaletxeko Hezkuntza sailean egin beharko dira, Kultur Leioako 4. solairuan, maiatzaren 28tik ekainaren 6ra, 09:00etatik 14:00etara. Informazioa gehiago eskuratzeko 946 072 576 telefonora deitu edo udalhezkuntza@leioa.net helbidera idatzi daiteke.
Udal-arduradunek azaldu dutenez, lanean dauden gurasoei lagundu gura dien programa da, "lana eta familia batera eramaten laguntzeko, eta aldi berean ikasturteko heziketaren osagarri moduan aurkezten da programa hau, kalean eta komunitatean murgilduago". Bi helburu horiekaz antolatzen da udaro programa hori.
Programa Altzaga, Mendibile eta Artatza-Pinueta ikastetxeetan izango da. Jarduerak 9.00etatik 14.00etara garatuko dira, eta 08:00etatik 09:00etara haurtzaindegi zerbitzua egongo da.
Aurten, gainera, ordutegia luzatzeko aukera dago, umeak 14:00etatik 16:00etara bazkaltzen eta siesta egiten geratu ahal izango direlako. Zerbitzu horrek 64 euroko kostua izango du hilabetean.
Udatxiki programan izena emateko epea zabalduko du Leioako Udalak hilaren 28an
Udatxiki programa ludiko-hezitzailea egingo dute aurten ere Leioan. Izen-emateak maiatzaren 28tik ekainaren 6ra bitartean egin ahalko dira, udaletxeko Hezkuntza sailean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun