Programa hau 2012, 2013, 2014 eta 2015 urteetan jaiotako eta Leioan erroldatutako umeei zuzenduta dago. Lanean dabiltzan gurasoei lagundu gura dien egitasmoa da, lana eta familia batera eroaten laguntzeko, eta aldi berean ikasturteko heziketaren osagarri moduan. Helburu horiekaz antolatzen da udaro programa hau.
Altzaga, Mendibile eta Artatza-Pinueta ikastetxeetan egingo dute: jarduerak 09:00etatik 14:00etara izaten dira, eta 08:00etatik 09:00etara haurtzaindegi zerbitzua dago.
Aurten, gainera, ordutegia luzatzeko aukera dago, umeak 14:00etatik 16:00etara bazkaltzen eta siesta egiten gera daitezkeelako. Horretarako, gurasoek termo batean eroan beharko dute bazkaria, eta umeak ezin izango dira hartu 15:45 baino lehenago. Zerbitzu honek 64 euroko kostua izango du hilabetean; zentro bakoitzean 15 umeko gutxieneko kopurua eskatzen da
Herenegun, ekainaren 6an, 14.00etan, amaitu zen eskabideak aurkezteko epea, Udatxiki 2018ko kanpainan. Ordura arte egindako eskabide denak onartu egin dira, udal-iturriek adierazi dutenez. Une honetan, toki denak beteta daude. Bajarik egon ezean ez dago matrikulazio-eskabide gehiago onartzerik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun