Arrastiko 17:30ak aldera, Leioako merkataritza-zentro bateko segurtasun-zerbitzu pribatuko langile batek Ertzaintzara deitu zuen, gizonezko bi eta ostalaritza-establezimendu bateko arduraduna borrokan zebiltzala eta azken hori zaurituta zegoela esanez. Patruila bertara iritsi zenean, ertzainek egiaztatu zuten gizonezko bat lurrean dardarka zegoela eta pertsona bi ari zitzaizkiola laguntzen, Eusko Jaurlaritzaren Segurtasun Sailak adierazi duenez.
Bertan zeuden bezeroek eta merkataritza-eremua zaintzeaz arduratzen zirenek emandako informazioaren arabera, zauritua tabernako zerbitzaria zen, eta aurretik eztabaida izan zuen gizonezko bigaz; dirudienez, emandako zerbitzuagaz lotuta. Euren artean borrokan zebiltzala, batek bultza egin zion zerbitzariari, eta, itxura denez, lurrera erortzean buruan kolpea hartu zuen.
Biktima, zaurituta, Gurutzeta ospitalera eroan behar izan zuten anbulantzian. Bestalde, ustezko erasotzailea lokalean zegoen, eta atxilotu egin zuten. Arrastatua gaur, martitzena, eroan dute epailearen aurrera.