Ekonomia  Leioa 2018-07-10 10:51

Lankide baten heriotza salatuko dute gaur EHUn

LAB, Steilas, CCOO, UGT eta ELA sindikatuek ordu beteko lanuztea deitu dute 12:00etatik 13:00etara. Horrez gainera, kontzentrazioa egingo dute, 12:15etik 12:45era, Leioako campuseko Mikel Laboa plazan. Leihoa.info agerkariak jakinarazi duenez, hilabete eta erdia koman egon ostean, bariku arrastian zendu zen Bilboko Ingeniaritza Eskolako langile bat; lantokian izan zuen istripua, maiatzaren 21ean.

Lankide baten heriotza salatuko dute gaur EHUn
Ondorengo egutetan salatu zuten lan-istripua, Bilboko Ingeniaritza Eskolan. © STEILAS | Ikusi handiago | Argazki originala

Maiatzaren 21ean, Bilboko Ingeniaritza Eskolan, istripu larria gertatu zen: aldez aurretik, intzidentea eta istripua gertatutako emergentzia-irteerako ate batetik sartutako langile bat eskaileretatik behera erori eta kolpe larria jo zuen buruan. Horren ondorioz, konortea galdu zuen eta larrialdi-zerbitzuek Gurutzetako ospitalera eroan zuten; bertan eman du hilabete eta erdia, koman. Azkenean, ezbeharra heriotza bilakatu zen iragan bariku arrastian.

LAB sindikatuak gertatutakoa salatu zuen: aipatu eskailerek ez zutela aplikatzen zaien araudia betetzen eta beste zenbait irregulartasun salatu zituen. Gainera, ordutik pasatutako denbora osoan istripuaren inguruko informaziorik ez dutela jaso salatu du LABek; ez Osalanetik, ez Lan Ikuskaritzatik, ezta EHUko Zuzendaritzaren aldetik ere.

Zabaldutako komunikatuan, EHUn "unibertsitateko langileek bizitza galtzerainoko istripuak gertatzen jarraitzea" deitoratu dute LAB, Steilas, CCOO, UGT eta ELA sindikatuek. Horrexegatik, “langile guztiei burutuko diren ordubeteko lanuzteetan eta kontzentrazioetan parte hartzera" dei egiten diete.

2018/07/10 12:15 - 12:45

Leioako campuseko Mikel Laboa plaza Leioa

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa