Leioako Udalak bere gaitzespen irmoena erakutsi du Maguette Mbeugou emakumearen hilketaren aurrean, eta elkartasuna adierazi die senideei eta biktimaren hurbilekoei. 25 urte zituen. Atzo aurkitu zuten gorpua, bere etxean, Bilbon. Ertzaintzak ordu gutxira atxilotu zuen bikotekidea, hark hil zuelakoan. Biktimak gizonaren aurkako salaketa bat jarrita zeukan Udaltzaingoan, genero indarkeriagatik.
Leioako Udalak gogorarazi du heriotzek emakumeen aurkako indarkeriaren arazoaren alderdi bat baino ez dutela erakusten. "Emakumeen aurkako indarkeria (psikologikoa, ekonomikoa, fisikoa, sexuala) emakumeen duintasunaren eta segurtasun fisiko zein moralaren eraso larria da, eta, ondorioz, giza-eskubideen urraketa larri eta onartezina", adierazi dute agintari leioztarrek. Gaineratu dutenez, "tragedia horrek berriro dakarkigu gogora Udalak eta Leioako gizarte osoak daukan erantzukizuna, Leioan berdintasuna eraginkorra egiteko".
Manifestazioa Bilbon
Emakumeen Mundu Martxak Mbeugouren hilketa salatzeko manifestaziora deitu ditu gaur iluntzerako, Bilbon; 20:00etan hasiko da manifestazioa, Atxuriko Enkartazio plazatik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
