Euskal Herriko Superkopa leioaztarra da. Emakumezkoetan zein gizonezkoetan herri horretan geratu dira garaikurrak, Leioa Waterpoloren eta Askartzaren egoitzetan, hurrenez hurren, Askartza kiroldegian waterpolo-jardunaldi polita eman ostean.
Leioa Waterpoloko emakumezkoen taldea zorionekoa da: laugarrenez segidan lortu du nazioko koparik garrantzitsuena, denboraldi berriko lehenengo titulu ofiziala dena, gainera. Finalean, Leioa Waterpolo taldeak Waterpolo '98 '02 talde nafarra menpean hartu zuen, 13-7; hala, berretsi zuen joan den irailaren 22an Gabon Kopan iruindarren aurka lortutako garaipena. Aurretiko denboraldiko sariketa hori ere eskuratu zuen Sakonetako taldeak.
Askartza waterpolo-taldearen gizonezkoen taldeak, berriz, gainditu behar izan zituen Portugaleteko Nautika-eskolako talde, finalerdietan, eta Eibarko Urbateko arerioak finalean. Askartzako emakumezkoen taldeak laugarren postuan amaitu zuen Superkopa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
