Ikastaroan kontzentrazioa, koordinazioa, oreka, pertseberantzia eta konfiantza landuko dituzte hainbat aktibitateren bitartez: besteak beste, malabarrak, akrobaziak, antzerkia eta klown, globoflexia, dantza, aurpegi-margotzea eta jantzigintza egingo dituzte. Ikasturtea amaitzerakoan, Zirku Txiki ikuskizuna egingo dute.
Leioako Udalak zirku-ikastaroa eskainiko die euskaraz, udalerrian erroldatuta egonda, 2007tik 2011ra artean jaiotako umeei zuzenduta. Eskolak urriaren 6tik maiatzaren 25era arte izango dira, zapaturo, 17:00etatik 18:30era, Ondiztorren. Hala, urriaren 5era arte egongo da izena emateko aukera, Euskara Zerbitzuan (Kultur Leioa). Salneurria 27,95 eurokoa izango da, ikasturte osorako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun