Kultura  Leioa 2018-11-13 13:33

Nazio Batuen 2030 Agendari buruzko erakusketa Leioan

Leioako Udaleko Hezkuntza eta Partaidetza Sailak eta EHUko Munduko Hizkuntza Ondarearen UNESCO Katedrak 2030 urteari begira garapen iraunkorrerako markatu diren helburuei buruzko erakusketa ipini dute Ondiztorren; azaroaren 16ra arte izango da ikusbide.

Nazio Batuen 2030 Agendari buruzko erakusketa Leioan
© LEIOAKO UDALA | Ikusi handiago | Argazki originala

Hala, ikastetxeentzat eta interesa eduki lezakeen pertsona ororentzat bisita gidatuak eskainiko dituzte hiru hizkuntzatan, astelehenetik barikura, 09:00etatik 12:00etara arte edo 08:00etatik 20:00etara arte.

"Ekitaldiaren helburua Leioako herriari eta bereziki ikasleei Nazio Batuen 2030 Agendako 17 Garapen Iraunkorrerako Helburuak ezagutaraztea da; horiei EHUko Munduko Hizkuntza Ondarearen UNESCO katedrak bat gehitu du (+1), hizkuntza eta kultur aniztasunaren bermea, alegia", azaldu dute bertoko iturriek.

Garapen iraunkorrerako helburuak zeintzuk diren erakusteko 17+1 ilustrazio aurkeztuko dira, bakoitza helburu bategaz lotuta. Lehenengo 17 ilustrazioak Euskal Herriko Unesco Etxearen mailegua dira; berariaz egindako lehiaketa baten bidez sortu ziren. Hamazortzigarrena Easo Politeknikoak BHI Usandizagako ikasleen arteko lehiaketa batean aukeratu zen.

Informazio gehiago: 946 072 576

2018/11/13 - 2018/11/16

Ondiztorre Leioa

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa